નાશવંત દેહ વિષે. સવૈયા.
જ્યું જલમાંઈ લકીર પરિ સો, ટલી કે ટલી કે ટલી કે ટલી હે,
જ્યું મિસરિ પયમાંઈ પરિ સો, ભલી કે ભલી કે ભલી કે ભલી હે,
દેવલ સિશ ચઢાઈ ધજા સો, હલી કે હલી કે હલી કે હલી હે,
બ્રહ્મમુનિ ત્યુંહિ દેહકી આયુ, ચલી કે ચલી કે ચલી કે ચલી હે, ॥૧॥
નીચનકે સંગ પ્રીત કરિ સો, મટી કે મટી કે મટી કે મટી હે,
જૂધકું દેખિ ત્રિયાનકિ ટોરિ, હટી કે હટી કે હટી કે હટી હે,
સૂરજ દેખકેં કુંદ કલી સો, ફટી કે ફટી કે ફટી કે ફટી હે,
બ્રહ્મમુનિ ત્યુંહિ દેહકી આયુ, ઘટી કે ઘટી કે ઘટીકે ઘટી હે. ॥૨॥
ભોમિ નિસાનપેં આયકેં ચોટ, લગી કે લગી કે લગી કે લગી હે,
મારુતકે અતિ જોરસેં આગ, જગી કે જગી કે જગી કે જગી હે,
ચૂલકિ સીસ ચઢાઈ તઈ સો, ધગી કે ધગી કે ધગી કે ધગી હે,
બ્રહ્મમુની કહે તેસે હિ દેહ, ભગી કે ભગી કે ભગી કે ભગી હે. ॥૩॥
વહ્નિ રુ દારૂ સંજોગ ભડાકો, ભયો કે ભયો કે ભયો કે ભયો હે,
પ્યાદેકે લાર સવાર ચઢ્યો સો, લહ્યો કે લહ્યો કે લહ્યો કે લહ્યો હે,
ચોરનકે સંગ સાહકું ચોર, કહ્યો કે કહ્યો કે કહ્યો કે કહ્યો હે,
બ્રહ્મમુનિ કહે યું તન આયું, ગયો કે ગયો કે ગયો કે ગયો હે. ॥૪॥
કાષ્ટ ચિતા મહિ બૈઠિ સતિ સો, જરી કે જરી કે જરી કે જરી હે,
સિંહકે અગ્ર ખડિ બકરી સો, મરી કે મરી કે મરી કે મરી હે,
જ્યું ઘરિયાર કે પાસ કટોરી, ભરી કે ભરી કે ભરી કે ભરી હે,
બ્રહ્મમુનિ કહે તેસે હિ દેહ, પરી કે પરી કે પરીકે પરી હે. ॥૫॥
જ્યું અરી સૈનમેં ઉખકો ખેત,લુટ્યો કે લુટ્યો કે લુટ્યો કે લુટ્યો હે,
જ્યું કપટિ મિલ હેત કિયો સો,તુટ્યો કે તુટ્યો કે તુટ્યો કે તુટ્યો હે,
જેસેંહિ તોલત ધાનકો ઢેર,ખુટ્યો કે ખુટ્યો કે ખુટ્યો કે ખુટ્યો હે,
બ્રહ્મમુનિ કહે ત્યું યહ દેહ,છુટ્યો કે છુટ્યો કે છુટ્યો કે છુટ્યો હે. ॥૬॥
શ્રીઘનશ્યામ કે અંઘ્રિસરોજમેં, દેહ છતે જેહિ નેહ કર્યો હે,
લોકનકી તજિ લાજ નિરંતર, અંતરમેં દ્રઢ પક્ષ ધર્યો હે,
અંતકિ બેર જો નામ લિયો નહિ, તો પુનિ સો નિશ્ચે ઉગર્યો હે,
બ્રહ્મમુનિ ધનચીઠિ ગઈ ઘર પીછે લુટાય કહા બિગર્યો હે. ॥૭॥
શ્રીઘનશ્યામ કહે સુન નારદ, અંતર સુધ મેરો મત એ હે,
મોસંગ પ્યાર ઉદાર સદા મન, નામ ઉચાર અહોનિશ લેહે,
સંત સચે જગમાંઈ ફિરે, તિનકું દુઃખ આય નિરંતર દેહે,
બ્રહ્મમુનિ ભગવંત કહ્યો સોઈ, મોય ભજે પુનિ નર્કમેં જેહે. ॥૮॥