વ્હાલા તારી મૂર્તિનું બંધન છે એવું ૧/૧

વ્હાલા તારી મૂર્તિનું બંધન છે એવું,

ચંદ્ર ને ચકોરીની પ્રિતડીના જેવું...........ટેક

ચંદ્રને જો નિરખે ન એક પલ ચકોરી,

તજી દે એ પ્રાણને વિયોગે ઝુરી ઝુરી

અદ્ભૂત આ બંધન છે  ના મનાય એવું,

ચંદ્ર ને ચકોરીની પ્રીતડી ના જેવું..........વ્હાલા-૧

ઘનશ્યામ આવો મારા હૃદિયામાં સ્વામી,

ભક્તિ કરુ છું તારી ધામના ઓ ધામી

મુરતીનું સુખડું છે ના ભૂલાય એવું,

ચંદ્ર ને ચકોરીની પ્રીતડીના જેવું...........વ્હાલા-૨

ભક્તોના નાથજી સંભાળજો નૈયા,

બની રેજો અંતકાળે નાવના ખેવૈયા

દયા કરી નાથ મુને દેજો વર એવું,

ચંદ્ર ને ચકોરીની પ્રીતડીના જેવું...........વ્હાલા-૩

પતિતના પાવક છો શ્રી હરિ કહે ‘જયેશ’,

ગુણગાન ગાય તમારા બ્રહ્માદિક મહેશ,

ઓરા આવો શ્યામ મારું કીર્તન છે કેવું,

ચંદ્ર ને ચકોરીની પ્રીતડીના જેવું...........વ્હાલા-૪  

મૂળ પદ

વ્હાલા તારી મૂર્તિનું બંધન છે એવું

રચયિતા

જયેશ સોની

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
	જયેશ સોની	ફિલ્મી રાગ	અજાણ (પ્રકાશક )	રેકોર્ડીંગ ગુણવત્તા-ખૂબ સારી	પરંપરાગત (સ્વરકાર)	અજાણ	Studio	Audio	5 5