તારી મીટ્યમાં મોહન વેલ્ય કાનડ કાળા રે ૬/૯

તારી મીટ્યમાં મોહન વેલ્ય, કાનડ કાળા રે;

તેણે મોહ્યું છે મારૂં મન, છેલછોગાળા રે. ૧

તારા કરનાં લટકાં કા'ન, ચિતડું ચોરે રે;

હું તો મોહી રહી મહારાજ, ફૂલડાને તોરે રે. ર

તારી વનમાળા વ્રજરાજ, અતિ સુખકારી રે;

તારા કુંડળિયા પર કા'ન , જાઉં બલહારી રે. ૩

તારા ભાલ તિલકની શ્યામ, શોભા ન્યારી રે;

તારી પાઘડલીના પેચ, પર જાઉં વારી રે. ૪

તારા ફૂલડાના બાજુબંધ, ગજરા શોભે રે;

તેને નિરખતાં નંદકુમાર, મન મારૂં લોભે રે. ૫

એવી શોભાને ધરતા શ્યામ, અમ ઘર આવો રે;

મુક્તાનંદ કહે મહારાજ, હસીને બોલાવો રે. ૬

મૂળ પદ

વાલા રમઝમ કરતાં કાન

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી