આજ સ્વપ્નામાં આવ્યા’તા વાલમ તમે, મને દીધાં’તાં દર્શન સુખાળા તમે; ૧/૧

આજ સ્વપ્નામાં આવ્યા’તા વાલમ તમે,
	મને દીધાં’તાં દર્શન સુખાળા તમે;
અહો ભાગ્ય મારાં, થયાં દર્શન પ્યારાં,
	અહો અતિ દયાળુ છો શ્રીજી તમે...આજ૦ ટેક.
મીઠી વાતો કહી, મારા મનમાં રહી;
	એને ભૂલું નહિ, કોઈને કહું નહિ(૨)...આજ૦ ૧
સુખ છાનાં દીધાં, મેં તો ઘૂંટડે પીધાં;
	ઘણાં ચુંબન કીધાં, હરિ હૈયે લીધા(૨)...આજ૦ ૨
પ્યારાં લટકાં કરી, મન લીધું હરી;
	સર્વ રીતે વરી, હૈયું એક કરી (૨)...આજ૦ ૩
મારે સોણે હરિ, આવો ફરી ફરી;
	રોજ દયા કરી, દેજો દર્શન હરિ(૨)...આજ૦ ૪
સોણે સુખી કીધી, મને તુંમાં લીધી;
	રોજ આવી વિધિ, વીતો રાત બધી(૨)...આજ૦ ૫
‘જ્ઞાન’ તારી દાસી, તારાં દર્શન પ્યાસી;
	દર્શન દેતા રહેજો, મીઠી વાતો કહેજો(૨)...આજ૦ ૬

 

મૂળ પદ

આજ સ્વપ્નામાં આવ્યા’તા વાલમ તમે, મને દીધાં’તાં દર્શન સુખાળા તમે;

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)	આશાવરી	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	જ્ઞાનજીવનદાસજી સ્વામી-કુંડળ	વાલીડા	Studio	Audio	0 0