સહજાનંદ મારા સ્વામી, સ્વામિનારાયણ બહુનામી ૧/૧

સહજાનંદ મારા સ્વામી (૨) સ્વામિનારાયણ બહુનામી (૨)
			સહજાનંદ મારા સ્વામી૦ ટેક.
આજે અમને આનંદ આપ્યો, હેતે કરી હરિરાજ,
		અતિ રાજી થયા તમે આજ,
મારે મનડે વાલમ વસિયા, ભાવે કરી મહારાજ,
		સુખ આપ્યાં છે અમને આજ,
શ્રીહરિ મારા સૌથી ન્યારા, સર્વે ધામના ધામી...સહજા૦ ૧
અક્ષર પર અવિનાશી આપે, અવની ઉપર આવ્યા,
		ખાતાં ખોટય તણાં વળાવ્યાં,
પ્રસંગ પામ્યા જે પરબ્રહ્મનો, તે તો સર્વે ફાવ્યા,
		પાછા ચોરાશીમાં ન આવ્યા,
લાડીલે વાલે ધર્મને લાલે, ટાળી અમારી ખામી...સહજા૦ ૨
સર્વેના સુખ કારણ શ્યામે, લીલા કરી જગ ન્યારી,
		આપ્યું સર્વોપરી સુખ ભારી,
મોહનજીની મૂરતિ મનડે, લાગે પ્યારી પ્યારી,
		રાખું હૈયે સદાયે ધારી,
અનંત ધામના મુક્તો સર્વે, રહે હાજર શીશ નામી...સહજા૦ ૩
સત્સંગ કાજે ગામો ગામે, વિચર્યા શ્રીઘનશ્યામ,
		કર્યા લાખો જનોના કામ,
પાપો બાળી દોષોને ટાળી, જન કર્યા નિષ્કામ,
		તમે આપ્યું છે અક્ષરધામ,
અધર્મ કાપીને ધર્મ સ્થાપી, હાર પમાડિયા વામી...સહજા૦ ૪
લાખો લાકોનાં કલ્યાણ કાજે, વચનામૃત સંભળાવ્યાં,
		હૈયે જ્ઞાનદીપ પ્રજળાવ્યા,
શિક્ષાપત્રી લખી મહારાજે, સંતોને લાડ લડાવ્યા,
		રૂડા ધર્મ નિયમ પળાવ્યા,
ભક્તોના ભાવો પૂરે છે માવો, જ્ઞાનજીવનના સ્વામી...સહજા૦ ૫

 

મૂળ પદ

સહજાનંદ મારા સ્વામી,સ્વામિનારાયણ બહુનામી

મળતા રાગ

તું રંગાઈ જાને રંગમાં

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	હેમંત ચૌહાણ	કાફી	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-ખૂબ સારી	પરંપરાગત	શ્રીજીના જોકરિયા	Studio	Audio	0 0