ગઢપુરધામ શ્રીઘનશ્યામ, પૂર્યા છે પરચા ગઢપુરધામ ૧/૧

			છંદ
અક્ષરધામ ને, ગઢપુરધામ, અહીં એક ઠામ, જુઓ એક થયાં છે,
શ્રી ઘનશ્યામ, પૂરણકામ, કરૂણાધામ, સદા અહીં રહ્યા છે;
ગોપીનાથ શ્યામ, હરિકૃષ્ણ નામ, રહ્યા છે આ ધામ, કયાં ક્યાંય ગયા છે !
કહે જ્ઞાનજીવન, રટો હરિનામ, પામો સહુ ધામ, બહુ પામી ગયા છે.
.................
ગઢપુરધામ શ્રીઘનશ્યામ, પૂર્યા છે પરચા ગઢપુરધામ,
	આપ્યાં એભલ દરબારને દિવ્ય દર્શન;
	ચતુર્ભુજરૂપે પ્યારે પૂરણકામ...પૂર્યા૦ ટેક.
નિત્ય મોટીબા લાલજીનું પૂજન કરે,
રૂડું કઢિયેલ દૂધ નિત્ય ભાવે ધરે;
	પીધો દૂધનો કટોરો, પ્રગટી ઘનશ્યામ...પૂર્યા૦ ૧
સહુ પરિવાર મળી હરિસેવા કરે,
લેવા રાજીપો બહુ સહુ ઉમંગ ધરે;
 	લાડુબાની પૂજામાં પ્રગટે સુખધામ...પૂર્યા૦ ૨
દાદાખાચરની દુનિયા હરિ ને સંત,
હરિભક્તો તો દાદાને વાલા અત્યંત;
 	આપી પરચા ને દાદાનાં કર્યાં છે કામ...પૂર્યા૦ ૩
સ્વામી નિષ્કુળાનંદની નિષ્ઠા મહાન,
તૂટયાં દોરડાં ને પથરો ચડાવ્યો મહાન;
 	સૌને બચાવ્યા તે ટાણે સુંદરશ્યામ...પૂર્યા૦ ૪
સ્વામી બ્રહ્માનંદને વિરહ થયો,
ગોપીનાથમાંથી વાલો મારો પ્રગટ થયો;
 	આપ્યો હાર ને ભેટયા’તા કરુણાધામ...પૂર્યા૦ ૫
ગયા ધામમાં ને પરચો આપ્યો નાથે,
દાદાખાચરને હાર હરિ આપ્યો હાથે;
 	જ્ઞાનજીવન કે વાલો ગયા છે સ્વધામ...પૂર્યા૦ ૬
		છંદ
ગઢડુ મારું, હું ગઢડાનો, બોલ્યો નાથ દીનો, ભાવે કરી,
જે અક્ષરવાસી, ગઢપુરવાસી, થયા સુખરાશિ, ભાવે કરી;
ભાગ્ય તે ’દિનાં, ખૂલ્યાં આ ભૂમિનાં, સૌ સુખી કીનાં, ભાવે કરી,
ગઢડા સ્વામીના, સ્વામી ગઢડાના, સહુ કહેવાના, ભાવે કરી.

 

મૂળ પદ

ગઢપુરધામ શ્રીઘનશ્યામ, પૂર્યા છે પરચા ગઢપુરધામ

મળતા રાગ

સહજાનંદ સહજાનંદ સર્વોપરી છો

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ વિડિયો	જ્ઞાનજીવનદાસજી સ્વામી-કુંડળ (ગાયક)	ખમાજ	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-ખૂબ સારી	જ્ઞાનજીવનદાસજી સ્વામી-કુંડળ	ગઢપુર મહિમા	Studio	Audio & Video	0 0