સાંભળને તું જન, બેકાબૂ ન બન, સંભારી હરિ, તું શોક ન કર ૧/૧

સાંભળને તું જન, બેકાબૂ ન બન,
સંભારી હરિ, તું શોક ન કર (૨)
 	આવ્યા જે અહીં, તે રહેશે નહિ...સંભારી૦ ટેક.
આ રડી રડીને શું રે વળે, રડવાથી તે પાછા નહિ આવે,
માટે ધીરજ રાખો રખાવો તમે, કરો ધૂન-ભજન તો દુ:ખ જાવે (૨)
 	કરો કથા-કીર્તન, મનાવી લ્યોને મન...સંભારી૦ ૧
કોઈ વાત ન કરશો બીજી-ત્રીજી, થાવાનું હતું તે તો થઈ ગયું,
થાય શાંતિ સહુને એમ જ કરો, જાવાનું હતું તે તો જતું રહ્યું (૨)
 	હવે પાછું આવે નહિ, કોઈ પણ દન...સંભારી૦ ૨
આ જીવન એક’દિ જાવાનું, એ સત્ય સ્વીકારી ખુશ રહો,
જીવો જીવન એવું કે સૌને ગમે, વળી અંતે તો અક્ષરધામ લહો (૨)
 	કહે જ્ઞાનજીવન, કરો હરિ રટન...સંભારી૦ ૩

 

મૂળ પદ

સાંભળને તું જન, બેકાબૂ ન બન, સંભારી હરિ, તું શોક ન કર

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	મનહર ઉધાસ	અજાણ રાગ	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	ફિલ્મી ઢાળ	શ્રદ્ધાંજલી	Studio	Audio	0 0