કહે પ્રભુજી સુણો સહુ જનો આ કથા, લખ્યા લેખ લલાટે તે ભૂંસાય નહિ ૧/૧

કહે પ્રભુજી સુણો સહુ જનો આ કથા,
લખ્યા લેખ લલાટે તે ભૂંસાય નહિ;
 	જેનું જેમ જ્યાં જેવી રીતે લખ્યું હોય મોત,
 	તેનું તેમ ત્યાં તેવી રીતે થાય અહીં...ટેક.
નથી ધાર્યું થતું અહીં કદી કોઈનું,
નથી નહોતુ ના રે’શે અહીં કોઈ કોઈનું;
 	નથી સાટે લેવાતું અહીં મોત કોઈનું,
 	મારો હતો ભાણેજ અભિમન્યુ તોયે (૨)
 	કર્મ પ્રમાણે કાળે તેને લીધો લહી...કહે પ્રભુજી૦ ૧
મારા પિતા દશરથજીનું મૃત્યુ જુઓ,
મારી ત્રણે માતાઓની દશા જુઓ;
 	ભરત આદિ અયોધ્યાનાં દુ:ખો જુઓ,
 	અંતે ધરતીમાં સીતા સમાયાં જુઓ (૨)
 	મારી સીતા મારી સાથે રહ્યાં નહિ...કહે પ્રભુજી૦ ૨
આદિ અનાદિથી આમ ચાલ્યું આવે,
જ્ઞાનજીવન મનુષ્ય આમાં નહીં ફાવે;
 	કોઈ આવે અહીં ને કોઈ ચાલ્યા જાવે,
 	યે દુનિયા આને જાનેકા પુલ હૈ (૨)
 	અહીં કાયમ તો કોઈથી રહેવાય નહિ...કહે પ્રભુજી૦ ૩

 

મૂળ પદ

કહે પ્રભુજી સુણો સહુ જનો આ કથા, લખ્યા લેખ લલાટે તે ભૂંસાય નહિ

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	મનહર ઉધાસ	અજાણ રાગ	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	ફિલ્મી ઢાળ	શ્રદ્ધાંજલી	Studio	Audio	0 0