આજ આચાર્ય પધાર્યા રે, હાં સહુ જન હરખે છે ૧/૧

આજ આચાર્ય પધાર્યા રે, હાં સહુ જન હરખે છે...ટેક.
  વડતાલ દેશનાં, પીઠાધિપતિ,
 		ધર્મધુરંધર પધાર્યા છે...હાં સહુ જન૦ ૧
  માથે લાલ પાઘડી, પગમાં છે મોજડી,
 		છડીદાર છડી પોકારે છે...હાં સહુ જન૦ ૨
  વિધ વિધ વાજાં, વાગે છે ઝાઝાં,
 		રાજાધિરાજ પધાર્યા છે...હાં સહુ જન૦ ૩
  ભક્તોને સંતો, મોટા મહંતો,
 		આચાર્ય સંગે પધાર્યા છે...હાં સહુજન૦ ૪
  ઊંચી અટારીએ, મેડીની બારીએ,
 		ચડીને નારીએ વધાવ્યા છે...હાં સહુ જન૦ ૫
  કહે જ્ઞાનજીવન, કરોને દર્શન,
 		પ્રભુના પુત્ર પધાર્યા છે...હાં સહુ જન૦ ૬

 

 

મૂળ પદ

આજ આચાર્ય પધાર્યા રે, હાં સહુ જન હરખે છે

મળતા રાગ

મારો સોનાનો, ઘડુલો રે

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી