કહું કુંડળની કથાય, હરિ રાજી થયા રાજી, એ તો મામૈયાને માથ ૧/૧

કહું કુંડળની કથાય, હરિ રાજી થયા રાજી,
			એ તો મામૈયાને માથ,
નદી ઉતાવળીને તીર, હરિ નાવા ગ્યા’તા નાવા,
			લઈ મામૈયાને સાથ...ટેક.
કુંડળ ગામની ઉત્તર દિશે મોટો ધરો ત્યાંય,
	તેની પાસે ઉંચી ભેખડ ચડયા હરિરાય...કહું૦ ૧
પ્રેમ પરીક્ષા લેવા માટે બોલ્યા મોહનરાય,
	અહિંથી મામૈયા જળમાં તુંથી પડાય કે ન પડાય...કહું૦ ૨
કહે મામૈયો સુણો હરિ બહુ ઉંડુ પાણી આંય,
	મુંથી તો નહિ પડાય પ્રભુ કોઈ પડે તો મરી જાય...કહું૦ ૩
શ્રીહરિ કહે મારે અહિંથી પડવું પાણી માંય,
	શરીર વિનાશી છોડી હું તો જઈશ અક્ષરમાંય...કહું૦ ૪
એમ કહીને જળમાં પડવા દોડયા દીનાનાથ,
	મામૈયે ત્યાં દોટ કાઢી ભરી લીધી વાલાને બાથ...કહું૦ ૫
જોર કરી હરિ જો પડે તો પડે મામૈયો સાથ,
	એવો એનો પ્રેમ જોઈ વાલો રીઝયા કૃપાનાથ...કહું૦ ૬
માગ મામૈયા ! માગ મામૈયા ! કહે હરિ ગાથ,
	કહે મામૈયો કૃપા કરી હરિ ઝાલજો અંતે હાથ...કહું૦ ૭
જ્ઞાનજીવનના સ્વામી કે’ મને પકડી રાખ્યો જેમ,
	મામૈયા તને અંતકાળે હું પકડી રાખીશ તેમ...કહું૦ ૮

 

મૂળ પદ

કહું કુંડળની કથાય, હરિ રાજી થયા રાજી, એ તો મામૈયાને માથ

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	જયેશ સોની	આશાવરી	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-ખૂબ સારી	ફિલ્મી ઢાળ	કુંડળના કીર્તનો-૨	Studio	Audio	0 0