નંદરાય ઘર ઉત્સવ ભારી જૂથ મળ્યા વ્રજવાસી રે ૩/૮

નંદરાય ઘર ઉત્સવ ભારી, જૂથ મળ્યા વ્રજવાસી રે ;

ગૌબ્રાહ્મણ સંત દેવને કાજે, પ્રગટ થયા અવિનાશી રે. નં૦૧

ગોપી ને ગોવાળ મળીને, મંગળ ગીત ઉચ્ચારે રે ;

દૂધ દહીંના કીચ મચાવ્યા, માખણ લુંદા મારે રે. નં૦ર

અધિક થઇ આનંદ કેરી હેલી, ગીત પરસપર ગાવે રે ;

કોડીલા નટવરને કાજે, રમકડાં લઇ આવે રે. નં૦૩

ધન્ય ધન્ય ભાગ્ય નંદના સજની, ધન્ય જશોદા માતા રે ;

બ્રહ્માનંદનો વહાલો જનમ્યા, અવિચળ સુખના દાતા રે. નં૦૪

મૂળ પદ

શ્રાવણ વદિ આઠમ બુધવારી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી