ભાદરવા સુદ આઠમને દિન, પ્રગટી રાધા પ્યારી રે ૧/૪

ભાદરવા સુદ આઠમને દિન, પ્રગટી રાધા પ્યારી રે ;

ભ્રખુભાણને ઘેર વધાઇ, ગાવે છે વ્રજનારી રે. ભા. ૧

ઘર ઘરથી આવે સર્વગોપી, મુખથી મંગળ ગાતી રે ;

રાધાનું મુખડું ભાળીને, શીતળ થાય છે છાતી રે. ભા. ર

કીર્તિ માતાને સહુ કહે છે, પ્રગટ્યું રતન તમારે રે ;

એમ કહે ને અતિ હેતે કરી, ઉભી લૂણ ઉતારે રે. ભા. ૩

બ્રહ્માનંદ કહે ભ્રખુભાણનું, ભાગ્ય કહ્યામાં નાવે રે ;

રસિક રાયની પ્યારી રાધા, તેને ગોદ ખેલાવે રે. ભા. ૪

મૂળ પદ

ભાદરવા સુદ આઠમને દિન

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી