સખી, આજ વિજયાદશમી રે, શોભા જોને શ્યામની રે ૧/૪

સખી, આજ વિજયાદશમી રે, શોભા જોને શ્યામની રે ;

કાનડાને ઘેરીને ઉભી રે, ગોકુળ કેરી કામની રે. ૧

આવ્યા વનમાંથી વહાલો રે, મોરલડી હાથમાં રે ;

સુંદરવર શોભે છે સારા રે, સખાના સાથમાં રે. ર

લોચનિયાં લાલ રંગીયાં રે, કંકોલેલ કાનનાં રે ;

વારે વારે વારણાં લે છે રે, વહાલાજીનાં વાનનાં રે. ૩

આવી મનમોહન ઉભા રે, ડોલરિયો ડેલડી રે ;

જવારાનાં છોગલાં જોઇને રે, થઇ સર્વે ઘેલડી રે. ૪

મોહનજીને મળવાને કાજે રે, કરે સર્વે ધાંખડી રે ;

જોઇ બ્રહ્માનંદનો વહાલો રે, ઠરે મારી આંખડી રે. પ

મૂળ પદ

સખી, આજ વિજયાદશમી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી