બેની દશરાવો આવ્યો રે, વધાઇ વાંટીએ રે ૩/૪

બેની દશરાવો આવ્યો રે, વધાઇ વાંટીએ રે ;

કુમકુમ કેસર લઇને રે, આંગણિયાં છાંટીએ રે. ૧

ટોડે ટોડે તોરણ બાંધો રે, કરો રંગ રેલડી રે ;

ઘેરે સ્વર મંગલ ગાવો રે, સર્વ સાહેલડી રે. ર

આજ અલબેલો વહાલો રે, રંગીલો આવશે રે ;

નવો દિન જાણીને પ્યારો રે, હસી બોલાવશે રે. ૩

જવારાનાં છોગલાં લઇને રે ; પાઘલડીમાં ઘાલશું રે ;

શામળિયાને સંગે સજની રે, વૃંદાવન ચાલશું રે. ૪

વારેવારે અધિક વારણિયાંરે, લાડીલાનાં લીજીએ રે ;

સખી બ્રહ્માનંદનો પ્યારોરે, ન્યારો નવ કીજીએ રે. પ

મૂળ પદ

સખી, આજ વિજયાદશમી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી