બંસી વાઇ રે, સુંદરવર કુંજવિહારી ૩/૮

બંસી વાઇ રે, સુંદરવર કુંજવિહારી ;

શબ્દ સુણીને રે વ્યાકુળ થઇ વ્રજની નારી. ૧

ફરતી ડોલે રે અંગોઅંગ સરવે ફૂલી ;

ભૂધર મળવા રે, ઘરડાનો ધંધો ભૂલી. ર

એક એક આંખે રે કાજળ આતુર થઇ આંજ્યાં ;

મેલ્યાં વાસણ રે ઘરમાં જેમતેમ અણમાંજ્યાં. ૩

ઘેનુ દોતાં રે કોઇ દોણાં મેલ્યાં પડીયાં ;

દૂધ કઢંતાં રે રહ્યાં ચૂલા ઉપર ચડીયાં. ૪

માતપિતા સુતરે પતિની ન રહી કોઇ ઝાલી ;

બ્રહ્માનંદના રે, વહાલાની પાસે ચાલી. પ

મૂળ પદ

શરદ પૂનમની રજની રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી