ન ઘટે તમને રે, એવું બોલ્યું બહુનામી ૬/૮

ન ઘટે તમને રે એવું બોલ્યું બહુનામી ;

જીવન મનની રે જાણો છો અંતર જામી. ૧

સગાં કુટુંબી રે તમ સારુ સરવે ત્યાગ્યાં ;

એક તમારા રે ચરણુમેં મન અનુરાગ્યાં. ર

તીખાં તાને રે સુણી મોરલી શ્યામ તમારી ;

સનમુખ ચાલ્યાં રે અમો લાજ તજી સંસારી. ૩

ખ્વાર કરીને રે હવે બોલો માં ખલતાઇએ ;

પાછાં ઘરમાં રે અમે શું મુખ લઇને જાઇએ. ૪

બ્રહ્માનંદના રે વહાલા મનમાંહી વિચારો ;

નિઃશંક થઇને રે હૈડાનો તાપ નિવારો. પ

મૂળ પદ

શરદ પૂનમની રજની રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી