ભાવ અલૌકિક રે, અબલાનો દીઠો ભારી ૭/૮

ભાવ અલૌકિક રે અબલાનો દીઠો ભારી ;

મનમાં રીઝયા રે સુંદરવર દેવ મોરારી. ૧

ભેટ્યા પ્રેમે રે સરવેનાં અંતર ભાળી ;

મરકી જોયું રે સામું રસિયે વનમાળી. ર

જાદવ વરનુંરે મુખ પ્રસન્ન મનોહર જોઇને ;

પ્રેમ મગ્ન થઇને રે મૂર્તિમાં મનડાં પ્રોઇને. ૩

બહુ વિધિ હાસે રે અંતરની દાઝ બુઝાવી ;

લઇ હાથ તાળી રે વ્રજનારી કંઠ લગાવી. ૪

બ્રહ્માનંદને રે વહાલે રસ પાયો પીધો ;

કોડે આદર રે હરિ રાસ રમ્યાનો કીધો. પ

મૂળ પદ

શરદ પૂનમની રજની રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી