પ્રાણજીવનને રે, વ્રજ ત્રિય ઉભી ચહુ પાસે ૮/૮

પ્રાણજીવનને રે વ્રજ ત્રિય ઉભી ચહુ પાસે ;

સોળ કળા લઇને રે ચંદ્ર ચઢ્યો આકાશે. ૧

વનવેલીની રે શોભા વર્ણવ્યામાં નાવે ;

ગોપીસંગે રે અલબેલો મોહન ગાવે. ર

ગિરિધર વાઇ રે મોરલી મધુરે સ્વર ઘેરી ;

સુણતા ધીરજરે ન રહી ઈંદ્રાદિક કેરી. ૩

ગાંધર્વ ગાવે રે વિદ્યાધર વાજાં છેડયાં ;

તુંબરૂં સહિતા રે નારદ આવ્યા વણ તેડયાં. ૪

ગજગતિ ચાલે રે વ્રજનારીને મન ગમવા ;

બ્રહ્માનંદનો રે વહાલો, તત્પર થયા રમવા. પ

મૂળ પદ

શરદ પૂનમની રજની રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી