જુગતિ તમારી રે મેં જાણી, કીધી તમે કુબ્જાને પટરાણી ૩/૪

જુગતિ તમારી રે મેં જાણી, કીધી તમે કુબ્જાને પટરાણી,  જુ૦ટેક

સાચી વાત ગમે નહીં કોઇને, માટે બેઠાં મુખડું જોઇને ;  

કહોને કુબ્જાએ રે શું કીધું, બીજે લૂંટી તમારું શું લીધું.    જુ૦૧

લોક કરે છે હાંસી, તમને વશ કરી લીધા દાસી ;

જેમ તેમ કહે છે આવતાં જાતા, તે તો અમથી નથી ખમાતાં.      જુ૦ર

છળ બળ છેતરવાની વાતું, કોની પાસે શીખ્યા છો ઘાતું ;

મોહન ધરના + રે ધુતારા, મામા માસીને હાથે માર્યાં.     જુ૦૩

તમને લાજ મળે નહિ તેની, કોઇ આવી મુખડા ઉપર કહેની ;    

કોઇ વિધ તમમાં નવ મળે કાચું, બ્રહ્માનંદ કહે છે સાચું.  જુ૦૪

+ શરૂઆતના, પ્રથમથી જ 

 

મૂળ પદ

તમ પર વારી રે વહાલા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી