મારે હૈડે રે હેલી હરખ ન માય, પધાર્યા સુંદર શ્યામળો ૩/૪

મારે હૈડે રે હેલી હરખ ન માય, પધાર્યા સુંદર શ્યામળો.

દીસે ગોકુળિયું રળિયામણું, આજુની રે શોભા કહીં નવ જાય. પ૦ ૧

મારો ધરણી તે પગ ટકતો નથી, ચડિયું મુખડે રે હેલી નૌતમ નૂર. પ૦ ર

બની નવલ શોભા મારા ધામની, ઉગ્યો ઉગ્યો રે સોના કેરો સૂર. પ૦ ૩

હું તો નીર ઉંને નવરાવીને, રૂડાં આપું રે ભોજનિયાં રસાળ. પ૦ ૪

ચરચું કેસર ચંદન શ્યામને, પહેરાવું રે મોતીડાંની માળ. પ૦ પ

મારો જીવન જન્મ સુધારિયો, વહાલે કીધાં રે હેલી પાવન નેણ. પ૦૬

આવી રસિયોજી રંગ રાખિયો, છોગાંવાળે રે બ્રહ્માનંદને સેણ. પ૦ ૭

મૂળ પદ

ચાલો ચાલો રે, સૈયુરનો સાથ

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી