દ્વારાપુરી રળિયામણી, રાજે શ્રી મહારાજ ૨/૪

દ્વારાપુરી રળિયામણી, રાજે શ્રી મહારાજ ;

ગોખે જડાવું જાળિયાં, સર્વે અલૌકિક સાજ. ૧

ચોક પૂર્યા છે સર્વે મોતીએ, હીરે છાયાં છે સર્વે હાટ ;

પુષ્પ સુગંધી પારિજાતનાં, વેર્યાં છે વાટોવાટ. ર

મહોલે મહોલે ઉભી માનિની, ઘેરે મધુરે સ્વરે ગાય ;

કોડે કોડે છબી કૃષ્ણની, જોઇને ધરે છે હૈયામાંય. ૩

અંગ આભૂષણ ઓપતાં, પહેર્યાં છે વસ્ત્ર અનુપ ;

વહાલો રસિયો બ્રહ્માનંદનો, રાજે મનોહર રૂપ. ૪

મૂળ પદ

દ્વારા પુરીના ચોકમાં

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી