સમાધિ નિષ્ઠ મુનિશ્વર રે, ન જાણે દેહને રે ૨/૪

સમાધિ નિષ્ઠ મુનિશ્વર રે, ન જાણે દેહને રે ;

અવસ્થા ત્રણથી બાહરી રે, સ્થિતિ થઇ જેહને રે. ૧

નાહીને કૌશલવાસી રે, મુનિને પાસે આવિયા રે ;

ન જાગે જોગ નિદ્રાથી રે, બહુ બોલાવિયા રે. ર

કહે ગોપાળ વિચારી રે, ભાઇ નંદરામને રે ;

કેમ કરી ભેળા લેશું રે, મુનિ નિષ્કામને રે. ૩

પાંચ-દશ દિવસમાં જોગી રે, ગમે ત્યારે જાગશે રે ;

આપણે તીરથવાસી રે, દિન બહુ લાગશે રે. ૪

બ્રહ્માનંદ સાધુની ચિંતા રે, નહીં કોઇ વાતમાં રે ;

તીર્થ કરી આવશું પાછા રે, આઠ-નવ રાતમાં રે. પ

મૂળ પદ

જદુપતિ જોવાને કાજે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી