પામે દુઃખ તીરથવાસી રે, ત્યાં તો અતિશે ઘણું રે ૪/૪

પામે દુઃખ તીરથવાસી રે, ત્યાં તો અતિશે ઘણું રે ;

ધન વિના છાપ ન આપે રે, કરે બહુ લાંઘણું રે. ૧

વિના અન્ન વ્યાકુળ ક્ષુધા રે, લુટાણાં વાટમાં રે ;

બાળ વૃદ્ધ બરકાં પાડે રે, બેઠા ઉચ્ચાટમાં રે. ર

કૂટે પેટ શિશ પછાડે રે, લોટે કંઇ ભૂતળે રે ;

ગરીબનું ગામનાં વાસી રે, કહ્યું નવ સાંભળે રે. ૩

મડાંની પેરે પડીઆ રે, આંખ્યું ગઇ ઊંડિયું રે ;

તો પણ છાપ દેનારા રે, ગાળ્યું બોલે ભુંડિયું રે. ૪

દયાનો લેશ મળે નહીં રે, કોઇને અંતરે રે ;

બ્રહ્માનંદ કહે મુનિની રે, સૌ હાંસી કરે રે. પ

મૂળ પદ

જદુપતિ જોવાને કાજે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી