પાંચાલીનો ચોટલો, દુષ્ટે ગ્રહ્યો કરી દ્વેષ ૪/૪

પાંચાલીનો ચોટલો, દુષ્ટે ગ્રહ્યો કરી દ્વેષ ;

તે માટે કીધી તમે, કુરુકુલ ત્રિયા વિન કેશ. ૧

દુર્વાસાના દંડથી, પાંડવ રાખ્યા પંચ ;

તૃપ્ત કર્યું બ્રહ્માંડને, શાક પાન જમી રંચ. ર

પારિજાતક તમે આણિયું, સત્ઉભામાને કાજ ;

ભૌમાસુરને મારિયો, ગર્વ હર્યો સુરરાજ. ૩

ઉદ્વવ મતને હું અનુસર્યો, કરી કરી જતન કરોડ ;

દર્શન કેમ દેતા નથી, છોગાળા રણછોડ. ૪

આરત જાણી ભકતની, હરિ આવ્યા તતખેવ,

વહાલે બ્રહ્માનંદને, દર્શન દીધું દેવ. પ

મૂળ પદ

દોડીને ગયા મુનિ દર્શને

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી