ઉત્સવ ઉપરે રે, શ્રીસદ્‌ગુરુ કીધી તયારી ૧/૪

 

ઉત્સવ ઉપરે રે, શ્રીસદ્‌ગુરુ કીધી તયારી ;

ઓપે રૂડી રે, કાંઇ ઘોડલાંની અસ્વારી. ૧

વાઘ* ગ્રહી છે રે, વાજીની** ડાબે હાથે ;

સાચા હરિજન રે, બહુ ક્ષત્રી બંકા સાથે. ર

સાજ બનાવ્યો રે, સુંદર નૌતમ સોનેરી ;

ભાલાં ઝળકે રે, ઉડે ડમરી રજ કેરી. ૩

અંબર અંગેરે, અતિ શ્વેત મનોહર ધરિયાં ;

કેસર કંકું રે, લઇ તિલક અનુપમ કરિયાં. ૪

મજલે મજલે રે, થાય ગામ બહાર ઉતારા ;

પૂજે પ્રીતે રે, પોતાના સેવક પ્યારા. પ

શુકલ એકાદશી રે, સ્વામી વરતાલ પધાર્યા ;

બ્રહ્માનંદ કહે રે, અતિ ફૂલડે ચોક સમાર્યા. ૬

*લગામ ** ઘોડાની

મૂળ પદ

ઉત્‍સવ ઉપરે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી