હરિજન ચાલ્યા રે, ઘેર સહુને સહિત સમાજે ૪/૪

હરિજન ચાલ્યા રે, ઘેર સહુને સહિત સમાજે ;

છેલ છબીલો રે, રણછોડ વરતાલે બીરાજે. ૧

ફાગણ શુદીની રે, ધાત્રી એકાદશી કહાવી ;

તેને દહાડે રે, વરતાલ વસ્યા હરિ આવી. ર

વધિયો જગમાં રે, વરતાલનો મહિમા વાધુ ;

છાપુ લાવ્યા રે, સચ્ચિદાનંદ મુનિવર સાધુ. ૩

સાચી કહી છે રે આ વાત નજરની દીઠી ;

મહા પુણ્યવંતા રે, પ્રાણીને લાગે મીઠી. ૪

એને ગાશે રે, પ્રીતે ચિત્ત દઇ સાંભળશે ;

ભવ-દુઃખ જાશે રે, અતિ મનગમતું સુખ મળશે. પ

બીજી ઇચ્છા રે, કાંઇ મનમાં ન મળી ઝાઝી ;

બ્રહ્માનંદનો રે, વહાલોજી રહેજો રાજી. ૬

મૂળ પદ

ઉત્‍સવ ઉપરે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી