મથુરાથી મોહન પાસેથી, ઉદ્વવજી ભલે આવ્યા રે ૧/૪

મથુરાથી મોહન પાસેથી, ઉદ્વવજી ભલે આવ્યા રે ;

અમ ઉપર અતિ મેહેર કરીને, કૃષ્ણ સંદેશો લાવ્યા રે. ૧

કૃષ્ણે કહ્યું તમે બ્રહ્મ વિચારો, જોગની જુકિત જાણો રે.

સચરાચર વ્યાપક હું સઘળે, તે અંતરમાં આણો રે. ર

એકાંતે બેસી આસન સાધવા, પ્રાણાયામ ન થાવે રે ;

રેચક પૂરક કુંભકરીતિ, એ અમને નવ આવે રે. ૩

તમેં તો હરિના હુકમ હજુરી, મન રાખો વિચાર રે ;

એકે મન કહી જોગ અધ્યાસો, બીજે કરો વ્યવહાર. ૪

ગોકુળવાસીને મન એક જ, તે હરિ લઇ ગયા સાથે રે ;

બ્રહ્માનંદ કહે મન સોતાં, વેચાણાં એને હાથે રે. પ

મૂળ પદ

મથુરાથી મોહન પાસેથી

મળતા રાગ

તેરે દ્વારપે આઉંગી.. (એ રાગ)

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી