વ્યાપક બ્રહ્મને કોઇક વિચારે, જે તમ જેવા જોગી રે ૨/૪

વ્યાપક બ્રહ્મને કોઇક વિચારે, જે તમ જેવા જોગી રે ;

અમેં તો ભોગીલાં આહિરડાં, ભૂધરજીનાં ભોગી રે. ૧

નામ ને રૂપ મળે નહીં જેને, નહીં જેને આકાર રે ;

એવા તેહિ પ્રભુ તમારે, અમારે નંદકુમાર રે. ર

મનમોહન લટકાળાં ને મેલીને, બીજે મન નવ જાવે રે ;

અમૃતનાં પીનારાને ઉદ્ધવ, ખાટી છાશ કેમ ભાવે રે. ૩

અલબેલા નટવર વિના અમને, અંતરે સુખ નવ થાય રે ;

સો લાંઘણ પડે આવીને સામટી, કેસરી ઘાસ ન ખાય રે. ૪

અમે વેપાર ન કરીએ ઉદ્ધવજી, આગલા ભવની ઉધારે રે ;

બ્રહ્માનંદ કહે હરિ જોએ, પ્રગટ પ્રમાણ અમારે રે. પ

મૂળ પદ

મથુરાથી મોહન પાસેથી

મળતા રાગ

તેરે દ્વારપે આઉંગી.. (એ રાગ)

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી