અમને તો જોગની વાત ઉદ્ધવજી, અંતરમાં નવ ભાવે રે ૩/૪

 અમને તો જોગની વાત ઉદ્ધવજી, અંતરમાં નવ ભાવે રે ;

મનમોહન નટવરની મૂર્તિ, તે વિના કાંઇ ન સુહાવે રે.                         ૧

દાદુર* મીન બેઉ જળનાં સ્નેહી, જળમાં રહે જળ પીવે રે ;

નીર વિના દાદુર તન રાખે, જળ વિના મીન ન જીવે રે.                       ર

મીન તણી ગતિ થઇ છે અમારે, નીર તે નંદ દુલારો રે ;

તમેં તો મોટા કૃષ્ણના કાકા, જોઇને જોગ વિચારો રે.                            ૩

જોગ તો ઉદ્ધવ તે કરે, જેને વહાલા નહીં ઘનશ્યામ રે ;

જેનું શરીર અરોગી તેને, ઔષધનું શું કામ રે,                                      ૪

લાખ વાતુની એક જ વાત છે, કૃષ્ણ અમારા પ્રાણ રે ;

બ્રહ્માનંદ કહે બીજી રીતે, અમને ન થાય સુવાણ રે.                              પ

*દાદુર - દેડકો

 

મૂળ પદ

મથુરાથી મોહન પાસેથી

મળતા રાગ

તેરે દ્વારપે આઉંગી.. (એ રાગ)

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી