કહોને ઉદ્ધવજી વ્રજની કયારે, વાત કરે છે વહાલો રે ૪/૪

કહોને ઉદ્ધવજી વ્રજની કયારે, વાત કરે છે વહાલો રે ;

કયારેય કહે છે જે નંદ-જશોદાને, મળવા કાજે ચાલો રે. ૧

કયારેય કહે છે કંસથી છાના, ગોકુળમાં અમે રહેતા રે ;

મારગમાં રોકી મહીઆરી, લુંટીને મહી લેતા રે. ર

કયારેય કહે છે જમુના-જળમાં, નિત્ય નિત્ય રમતાં નહાતા રે ;

ગોપીના ઘરમાં પેસીને, મહી-માખણને ખાતા રે. ૩

કયારેય કહે છે વનમાંહી જાતા, સર્વે ગોવાળા સાથે રે ;

ગુંજાના હાર ગળા માંહી પહેરીને, મેલતા છોગલાં માથે રે. ૪

ઉદ્ધવજી અમને કહી રાખો, રસિયાજીની રીતિ રે ;

બ્રહ્માનંદ કહે કેવીક થઇ છે, કુબ્જા સંગાથે પ્રીતિ રે. પ

મૂળ પદ

મથુરાથી મોહન પાસેથી

મળતા રાગ

તેરે દ્વારપે આઉંગી.. (એ રાગ)

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી