રસિયાની કહોને રીતિ રે, ઉધાજી અમને રસિયાની કહોને રીતિ ૩/૪

રસિયાની કહોને રીતિ રે, ઉધાજી અમને રસિયાની કહોને રીતિ. ટેક.

ઉધાજી તમે ભલે આવ્યા, અમારા અંતરમાં ભાવ્યા ;

શ્યામનો સંદેશો લાવ્યા રે. ઉધા૦ ૧

લોકમાં ચાલી છે વાણી, કુબ્જાને કીધી રાણી.

વહાલાજીની વાત જાણી રે. ઉધા૦ ર

કુબ્જા કંસની દાસી, ખુબ બની જોડ ખાસી ;

લોકડિયાં કરે છે હાંસી રે. ઉધા૦ ૩

બ્રહ્માનંદ કહે રંગ ઢાળ્યો, કુબડીનો ઘર ભાળ્યો ;

જદુકુળ અજવાળ્યો રે. ઉધા૦ ૪

મૂળ પદ

કાનજી શું કહી મેલ્‍યું રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી