જનમ સુધાર્યો વહાલે, કુંજને બીહારી રે ૫/૮

જનમ સુધાર્યો વહાલે, કુંજને બીહારી રે ; મેહેર કરીને માવે, બાંહ્ય ગ્રહી મારી રે.   જનમ૦ ટેક૦

ભાવથી હૈયામાં ભીડી, બીડી મુખ આપી રે ;સર્વે સૈયરમાં મુને, માનીતી કરી થાપી રે.       જનમ૦ ૧

આંગણિયે આવીને મારે, મોરલી વજાડી રે ;રસિયે લગાડી મુને, રંગડાની રાડી રે.    જનમ૦ ર

પ્રીતડી બંધાણી મારી, શામળિયાની સાથે રે ;હેતમાં બોલાવી આવી, નટવર નાથે રે.  જનમ૦ ૩

કાનડાને કેડે હું તો સર્વે મેલી ચાલી રે ;બ્રહ્માનંદ કેરે વહાલે, કીધી મુને વહાલી રે.       જનમ૦ ૪ 

મૂળ પદ

નંદના નંદન સાથે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી