આવો રે વહાલાજી વારી, મોરલી વજાતા રે ૬/૮

 

આવો રે વહાલાજી વારી, મોરલી વજાતા રે ;

રસિયા સલૂણા કાના, રંગડાના રાતા રે. આવો૦ ટેક૦

રૂપાળો લાગે છે માથે, ફૂલડાંનો તોરો રે ;

ગજગતિ ચાલે મારા, ચિત્તડાને ચોરો રે. આજ૦ ૧

મોરલી સુણીને મેં તો, આશા મેલી બીજી રે ;

પ્રાણના સનેહી તારા, રંગમાં હું રીજી રે. આજ૦ ર

લટકાં કરો છો રૂડાં, પીતાંબર પહેરી રે ;

કમલ સરીખે નેણે, હેતે મુને હેરી રે. આજ૦ ૩

બ્રહ્માનંદ કેરા વહાલા, વહાલ વધારો રે ;

પ્રીતડી કરીને મારે, મંદિર પધારો રે. આજ૦ ૪

 

મૂળ પદ

નંદના નંદન સાથે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી