શામળિયા સલૂણા કેરા, હું તો રૂપમાં લોભાણી રે ૭/૮

શામળિયા સલૂણા કેરા, હું તો રૂપમાં લોભાણી રે ;

નેણું કેરી સાંને મારું, લીધું ચિત્ત તાણી રે. શ્યા૦ ટેક૦

ગઇ'તી પાણીડું ભરવા, બેડલું ઉપાડી રે ;

રસિયો જોઇને રહી, ન અંતરની આડી રે. શ્યા૦ ૧

જમુનાને આરે ઉભો, રંગડાનો ભીનો રે ;

આંખડલીનો ચાળો ઢાળો, અલૌકિક એનો રે. શ્યા૦ ર

ડોલરિયાને દેખી હું તો, બીજું સર્વે ભૂલી રે ;

કાનડાના કેફમાં, ફરું છું બેની ફૂલી રે. શ્યા૦ ૩

બ્રહ્માનંદ કેરો વહાલો, દીઠો વનમાળી રે ;

તે દહાડાથી લાગી મારે રંગડાની તાળી રે. શ્યા૦ ૪

મૂળ પદ

નંદના નંદન સાથે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી