નંદના નંદનથી રે, લાગ્યો મારે નેહડો રે ૧/૪

નંદના નંદનથી રે, લાગ્યો મારે નેહડો રે ;

હવે ઘરનું કામ ન લાગે રે હાથ.

મંદિરિયામાં રે'તાં રે, મુને ગમતું નથી રે ;

જાઇશ હું તો શામળિયાને રે સાથે નંદના૦ ૧

પાતળિયે તો હેરી રે, આજ મુને પ્રીતમાં રે,

તેણે મારા પરવશ થઇ ગયા પ્રાણ ;

હવે હું ઓશિયાળીરે, નહીં બેની કોઇ તણીરે,

થઇ મારે અલબેલાથી ઓળખાણ. નંદના૦ ર

પેચાળી રૂપાળી રે, ભાળી એની પાઘડી રે,

ઉપરણીની શોભા કહી નવ જાય ;

નવલ કલંગી રે, જડી હીરા મોતીએ રે,

છોગું આવી ખુંતું છે ચિત્તડાંની માંય. નંદના૦ ૩

દેખીને દીવાની રે, જેવી બેની ! હું થઇ રે,

છેલાજીની અજબ અલૌકિક ચાલ,

બ્રહ્માનંદને વહાલે રે, મનડું વેંધિયું રે ;

લટકાળે ડોલરીએ નંદલાલ. નંદના૦ ૪

મૂળ પદ

નંદના નંદનથી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી