શી કહું શોભા રે, સુંદર શ્યામની રે ૨/૪

શી કહું શોભા રે, સુંદર શ્યામની રે ;

રસિક સલૂણું વહાલાજીનું રૂપ.

બાજુબંધ બાંધ્યાં રે, નૌતમ બેરખા રે ;

પેહેર્યાં કાને કુંડળ પરમ અનૂપ. શી કહું૦ ૧

કેસરનું કીધું રે, તિલક કોડામણું રે ;

બાંધી માથે નવલ કસુંબી ઝીણી પાઘ.

ફરતાં તો મેલ્યાં રે, છોગાં રુડાં ફૂલનાં રે ;

રસિયોજી મોરલીમાં આલાપે રાગ. શી કહું૦ ર

નલવટ રેખા રે, શોભે નોંખી ભાતની રે ;

શ્યામ બિંદુ વામ શ્રવણ છબી દેત.

અતિ ને રૂપાળી રે, રાતી હરિની આંખડીરે ;

હેરે કાનો વ્રજજનને કરી હેત. શી કહું૦ ૩

ફૂલના દડાને રે, છેલ ઉછાળતા રે ;

સામા મળીયા શેરડીએ ઘનશ્યામ.

બ્રહ્માનંદને વહાલે રે, બોલાવી બહુ પ્રેમમાં રે ;

થયો છે મારા અંતરમાંહી આરામ. શી કહું૦ ૪

મૂળ પદ

નંદના નંદનથી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી