શામળિયા સંગાથે રે, બાંધી મેં તો પ્રીતડી રે ૩/૪

શામળિયા સંગાથે રે, બાંધી મેં તો પ્રીતડી રે ;

એથી હવે છેટે કેમ રહેવાય.

મહા ને મનોહર રે, છેલાજીની મૂરતી રે ;

જોતાં જોતાં નેણ તૃપત નવ થાય. શ્યા૦ ૧

મોળીડુંને બાંઘ્યું રે, મોંઘા મૂલનું રે ;

લટકે કલંગી ખુબીદાર.

ફૂલડાંના છોગાં રે, મેલ્યાં વાલે ફુટડાં રે ;

હૈડે રાજે ફૂલડાંના નૌતમ હાર. શ્યા૦ ર

મરમાળી હાંસી રે, મોહન લાલની રે ;

વહાલા વહાલા મુખનાં સુંદર વેણ.

કેઠે કેડે ડોલું રે, રંગભીના કાનને રે ;

કેનું હવે હું નહીં માનું કેણ. શ્યા૦ ૩

હૈડામાંહી ખુત્યાં રે, લટકાં એનાં હાથનાં રે ;

કાજુ એના નવલ દુસાલાની રે કોર.

બ્રહ્માનંદનો વહાલો રે, છેલો અલબેલડો રે ;

છે જો કાનો ચિત્તડા કેરો રે ચોર. શ્યા૦ ૪

મૂળ પદ

નંદના નંદનથી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી