જાણી મુજ સામું જોયું રે, પાતળિયે પ્રીતમાં રે ૨/૮

જાણી મુજ સામું જોયું રે, પાતળિયે પ્રીતમાં રે ;  

ખાંતીલાનું આવીને ખુંતું રે, છોગું મારા ચિત્તમાં રે.       ૧

બાંધ્યા બાંહ્યે સુંદર બાજુ રે, કુંડળિયા કાનમાં રે ;

સુણી ગુલતાન થઇ છું રે, વંશી કેરી તાનમાં રે.    ર

બોલે મુખ સુંદર વાણી રે, વળી વળી વહાલમાં રે ;      

જોઇ હું તો મોહીને રહી છું રે, છેલાજીની ચાલમાં રે.     ૩

ઉભા અલબેલો વહાલો રે, સખામાં શોભતા રે ;  

નેણું કેરી સાન કરીને રે, મન મારું લોભતા રે.     ૪

જોયું ચંદ પૂરણ જેવું રે, મોહનજીનું મુખડું રે ;

વહાલો બ્રહ્માનંદનો જોઇ રે, ગયું ભવ દુઃખડું રે.   પ

મૂળ પદ

ગઇ’તી હું પાણીડું

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી