બેની એની લાલચ્ય લાગી રે, વેંઘાણી વાતમાં રે ૩/૮

બેની એની લાલચ્ય લાગી રે, વેંઘાણી વાતમાં રે ;

જોયા વિના જંપ ન થાયે રે, મુને દિન રાતમાં રે. ૧

હેલી નંદજીનો લાલો રે, વહાલો વ્રજનારનો રે ;

રહું છું હું નિશદિન જોતી રે, મોતી મારા હારનો રે. ર

હેતે હું તો પરવશ થઇ છું રે, વિસામાના વેણમાં રે ;

છૂપાવીને રાખીશ છાનો રે, નટવર નેણમાં રે. ૩

નંદજીના નંદન સાથે રે, લાગી છે પ્રીતડી રે ;

છબીલો છેલ છોગાળો રે, જાણે રસ રીતડી રે. ૪

કરી કરી હા અલૌકિક રે, રસબસ કીધલી રે ;

વહાલે બ્રહ્માનંદને બેની રે, સુધ બુધ લીધલી રે. પ

મૂળ પદ

ગઇ’તી હું પાણીડું

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી