બહુ હેત કરીને બોલાવે, જશોદા માવડી રે ૬/૮

બહુ હેત કરીને બોલાવે, જશોદા માવડી રે ;

કાના ! શી ટેવ પડી તુંને રે, રમ્યાનીઆવડી રે. ૧

ઘોળી જાઉં વાર ઘણી થઇ રે, લાગી હશે ભુખડીરે ;

તારે સારુ કીધલ તાજી રે, સાકર કેરી સુખડી રે. ર

કાજુ મેં તો દુધ કઢીને રે, રાખ્યુ દહી જામણી રે ;

આવી કરો શ્યામ સોહાગી રે, થોડી શિરામણી રે. ૩

ચતુરાઇએ ચોખા રાંધ્યા રે, કે આંબાસાલના રે.

વડાં મેં તો ખૂબ બનાવ્યાં રે, ધોઇ મગદાળના રે. ૪

માખણમાં મીસરી ભેળી રે, કાના તારે કારણે રે ;

આવો બ્રહ્માનંદના વહાલા રે, જાઉં તારે વારણે રે. પ

મૂળ પદ

ગઇ’તી હું પાણીડું

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી