વારી વેહેતાં રોકો માં આવી વાટમાં રે ૭/૮

વારી વેહેતાં રોકો માં આવી વાટમાં રે ;

મારે મહીડું ભર્યું છે જોજો માટમાં રે. વા૦ ટેક.

કાના ! આવા તે ફેલ ન કીજીએ રે ;

પ્રીતે રીતે માંગી મહી પીજીએ રે. વા૦ ૧

અમે જોર તમારું જાણીયે રે ;

શીદ બોલો છો વઢવાની વાણીયે રે. વા૦ ર

હેંડો વનમાં પગેરાં ખોળતાં રે ;

જોજો મસ્ત થઇને મહી ઢોળતા રે. વા૦ ૩

કાના ! લોકલજ્યા ઉર ધારીયે રે ;

બ્રહ્માનંદના વહાલા ! તમને વારીયે રે. વા૦ ૪

મૂળ પદ

મન લીધું મોરલડીના તાનમાં રે, હું તો મોહી છું છેલાજીના વાનમાં રે

મળતા રાગ

ગરબી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી