હો પ્રીતમજી ! સેજ પધારીએ, વાલા જોઇને રહી છું વાટ ..૫/૮

હો પ્રીતમજી ! સેજ પધારીએ, વાલા જોઇને રહી છું વાટ. હો૦ ૧

હું તો આવી ઉભી છું આંગણે, તમે આવો નહિ શા માટ. હો૦ ર

મેં તો કુસુમે બીછાવી સેજડી, સજ્યા શોભિતા શણગાર. હો૦ ૩

મારે આશ ઘણી છે અંતરે, આવો હેતુ હૈયાના હાર. હો૦ ૪

મેં તો તોડી સબ સંસારથી, એક તમથી જોડી પ્રીત. હો૦ પ

તમને શું કહી દાખું શ્યામળા, સર્વે જાણો છો રસની રીત. હો૦ ૬

મુને બોલાવો ગ્રહીબાંહલડી, રસિયા આવો રંગરેલ. હો૦ ૭

હું તો જોઉં છું તમારી વાટડી, અતિઆતુર છું અલબેલ. હો૦ ૮

મારે કામ બીજા નથી કોઇનું, એક સગપણ છે તમ સાથ. હો૦ ૯

આવી એકાંતે સુખ આપીએ, નિત્ય બ્રહ્માનંદના નાથ. હો૦ ૧૦

મૂળ પદ

હો નટવરજી ! હજી તમે નાનકડા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી