હો વાલમજી ! તમે મુને વહાલા, છો મારા મનમાન્યા મોરાર ૬/૮

હો વાલમજી ! તમે મુને વહાલા, છો મારા મનમાન્યા મોરાર. હો૦ ૧

કાના ! તમને મળ્યાના કોડ છે, કોડીલા નંદકુમાર. હો૦ ર

તમ સાથે બંધાણી પ્રીતલડી, મારા પ્રીતમ જીવન પ્રાણ. હો૦ ૩

વારી અલબેલા તમ ઉપરે, કરી નાખું તન કુરબાન. હો૦ ૪

જોઇ શ્યામ મનોહર મૂર્તિ, વળી સુંદર ગજગતિ ચાલ. હો૦ પ

અતિ વાલપણાની વાતમાં, મુને લાલચ્ય લાગી લાલ. હો૦ ૬

તમને જોઇને ઠરે મારી આંખડી, આલિંગન લઇને અંગ. હો૦ ૭

વહાલમજી ! તમારા વેણથી, ચડે ચિત્તને ગેરો રંગ. હો૦ ૮

મારે ભાંગી અંતરની ભીતડી, એક તમથી લાગી તાન. હો૦ ૯

આવી નિતનિત દરશન આપીએ, બ્રહ્માનંદના વહાલા ગુણગાન. હો૦ ૧૦

મૂળ પદ

હો નટવરજી ! હજી તમે નાનકડા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી