અલબેલા આવો રે, કે મળીએ એકાંતે ૨/૮

 અલબેલા આવો રે, કે મળીએ એકાંતે ;           

સુંદર સેજડીએ રે, કે ખેલાડું ખાંતે.                    ૧

જુગતીથી જીવન રે, કે તમને જમાડું ; 

મારા હૃદીયા ઉપર રે, કે રૂડે રમાડું.                  ર

નૌતમ સુખ આપો રે, કે નટવર નાવલીયા ;   

પલંગે પોઢાડી રે, કે ચાંપું હું પાવલીયા.           ૩

જે જે કાંઇ જોઇએ રે, કે આપું તે આણી ;         

હું તો હાથ તમારે, કે વાલમ વેચાણી.               ૪

છું દાસી તમારી રે, કે પોતાની જાણો ;

મારે મંદિર આવી રે, કે મનગમતું માણો.         પ

મારું તે તમારું રે, કે દિલમાં શાને ડરો ;          

બ્રહ્માનંદના સ્વામી રે, કે લીલા લેહેર કરો.       ૬

 

મૂળ પદ

ઓરા ઓરા આવો રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી