એકલડી જાણી રે, કે પાલવ તાણો છો ૩/૮

 

એકલડી જાણી રે, કે પાલવ તાણો છો ;

તમે મનમાં રે, કે વહાલા ! શું જાણો છો. ૧

એમાંથી મોટી રે, કે ફજેતી બહુ થાશે ;

સરવે ખબર તમારી રે, કે કંસ કને જાશે. ર

કંસને ઓળખીને રે, કે ચડજો એ વાતે ;

એની બીકે ભાગી રે, કે આવ્યા અધરાતે. ૩

આ લખણે તમારે રે, કે નંદનું ઘર જાશે ;

વારૂ કોઇહશે રે, કે તે તમને જોશે. ૪

વનમાં માંડી છે રે, કે અનીતિ આવડલી ;

તમને રાખ્યા છે રે, કે ચારવા ગાવડલી. પ

ગાવડલી ચારીને રે, કે પાધરા પેટ ભરો ;

બ્રહ્માનંદના સ્વામી રે, કે વિચારીને જોર કરો. ૬

મૂળ પદ

ઓરા ઓરા આવો રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી