આણે આચારે રે, કે ગોકુલ કેમ રહેવાશે ૬/૮

 આણે આચારે રે, કે ગોકુલ કેમ રહેવાશે ;

નિત નિત ઉઠી રે, કે કેટલુંક સહેવાશે. ૧

તારે દાભડી આવી રે, કે બેસવું એ ઘાટે ;

અમારે દાભડી રે, કે ચાલવું એ વાટે. ર

રોકી રાખ્યાની રે, કે તુજને ટેવ પડી ;

રોક્યાં કેમ રહીએ રે, કે અમે ત્યાં એક ઘડી. ૩

તુંતો નિર્લજ સરખોરે, કે અમારે તો લાજ ખરી ;

તુજ સરખી હશે રે, કે તે રહેશે તુજને વરી. ૪

હેવા તુજને પડીઓ રે, કે પગેરાં જોવાનો ;

આદર માંડયો છે રે, કે લજ્યા ખોવાનો. પ

મુજને જે કહ્યું રે, કે બીજાને મા કહેજો, 

બ્રહ્માનંદના વહાલા રે, કે પાધરા થઇ રહેજો. ૬

મૂળ પદ

ઓરા ઓરા આવો રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી