ઉપરથી બોલું રે, કે માંહીં તો હેત ઘણું ૭/૮

 

ઉપરથી બોલું રે, કે માંહીં તો હેત ઘણું ;

શું ભારછે વહાલા રે, કે દહીં ને દૂધ તણું. ૧

મારાં વચન સુણીને રે, કે રખે તમે બી જાતા ;

મનગમતું કરજો રે, કે રંગડાના રાતા. ર

ઉપરથી આમે રે, કે બોલું છું બળમાં ;

તમ સારું આવી રે, કે વસી છું ગોકુળમાં. ૩

કંઇ ઘેલીનથી રે, કે સુધી સાજી છું ;

રોકીને રહ્યા છો રે, કે એમાં હું રાજી છું. ૪

ડારો દેખીને રે, કે ન ડરશો, કાનુડા ;

વહાલા લાગો છો રે, કે નટવર નાનુડા. પ

કો આગળ જઇને રે, કે આ નહીં વાત કરું ;

બ્રહ્માનંદના વહાલા રે, ખોટું નહીં કહું છું ખરું. ૬

મૂળ પદ

ઓરા ઓરા આવો રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી