કહોને આજ કેને સંગે, રંગમાં રોળાણા પ્યારા ૩/૪

કહોને આજ કેને સંગે, રંગમાં રોળાણા પ્યારા;

બીતા મુખ બોલો જાણે, સેજડીએ ચોળાણા પ્યારા. ૧

લડથડતા માંડો છો પગલાં, નિદ્રામાં ઘેરાણા પ્યારા ;

કુચને કુમકુમે કરી, છાતીમાં રંગાણા પ્યારા. ર

પાઘડલીના પેચ છુટા, હાર ઉગ્ર હૈયે પ્યારા ;

હવે તો લજાતા હશો, દેખાય તે કહીયે પ્યારા. ૩

વેલણ સાટે મેલી આવ્યા, મોરલી મરમાળી પ્યારા ;

પીતાંબર વીસારી લાવ્યા, ચુંદડી રૂપાળી પ્યારા. ૪

તમે ચતુરાઇ કરો, તે હું કેમ માનું પ્યારા ;

ગાલુ ઉપર કાજળ લાગ્યું, તે કેમ રહેશે છાનું પ્યારા. પ

આજ નથી રાખી આવ્યા, કોઇ વાતે કાચું પ્યારા ;

બ્રહ્માનંદના સ્વામી વહાલા, હસી કહોને સાચું પ્યારા. ૬

મૂળ પદ

ઓરા ઓરા ઓરા આવે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી