તમ સંગાથે રમવાની, છે ખાંત રે, ખાંતીલા ૫/૮

તમ સંગાથે રમવાની છે ખાંત રે, ખાંતીલા ;

આવી મુજને સુખ આપો એકાંત, સુંદર ખાંતીલા. ૧

ખાંત મુજને તમ સંગ કરવા ખેલ રે, ખાંતીલા ;

રંગભીનાજી વાળો રંગની રેલ, સુંદરખાંતીલા. ર

તમ સંગાતે લાગી મારે પ્રીત રે, ખાંતીલા ;

છોગલીયું ખુતું છે મારે ચીત, સુંદર ખાંતીલા. ૩

લાલ તમારા લટકામાં લોભાણી રે, ખાંતીલા ;

પ્રીતમ આવી રાખો મુખનું પાણી, સુંદર ખાંતીલા. ૪

નાથ તમારા પ્યારા લાગે નેણ રે, ખાંતીલા ;

વાલપ દૈ બોલોને સુંદર વેણ, સુંદર ખાંતીલા. પ

બ્રહ્માનંદના સ્વામી સુણો એક વાત રે, ખાંતીલા ;

રસિયા તમ વિના કેમ કરી કાઢું રાત, સુંદર ખાંતીલા. ૬

મૂળ પદ

વ્‍હાલા તમારી જોઇને

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી