જાતીભતી હું જમુના, ભરવા પાણી રે, કાનુડા ૬/૮

જાતીભતી હું જમુના ભરવા પાણી રે, કાનડા ; 

તારી વંશનો હું નાદ સુણી, વેંધાણી નટવર નાનુડા.       ૧

વંશી વાઇ અજબ અલોકિક રીત રે, કાનડા ;  

ઘેલી થઇ હું ગિરધર તારે ગીત, નટવર નાનુડા. ર

કામણ કીધાં વંશીમાં મુને કોય રે, કાનડા ;    

તારું મુખ દીઠા વિના સુખ મુને નહોય, નટવર નાનુડા.   ૩

ઘેલી થઇ ઘરકામ ન લાગે હાથ રે, કાનડા ;   

દિલડું ડોલે નિશ દિન તારે સાથ, નટવર નાનુડા.        ૪

વંશી તારી કામણગારી, શ્યામ રે કાનડા ;     

જંપ ન થાયે સુણતાં આઠો જામ, નટવર નાનુડા. પ

તન-મન-ધન તુજ પર કીધાં કુરબાન રે, કાનડા ;     

વહાલા બ્રહ્માનંદના પ્રીતમ જીવનપ્રાણ, નટવર નાનુડા.   ૬ 

મૂળ પદ

વ્‍હાલા તમારી જોઇને

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી